प्रधानमन्त्री शेर बहादुर देउवालाई भारतीय समकक्षि नरेन्द्र मोदीको बधाई

भारतका प्रधानमन्त्री नरेन्द्र मोदीले प्रधानमन्त्री शेरबहादुर देउवालाई बधाई दिएका छन्। देउवाले प्रतिनिधिसभामा भारी मत पाएलगत्तै आइतवार राती १०:३० बजे ट्वीट गर्दै मोदीले बधाई दिएका हुन्।

प्रधानमन्त्री मोदीले समकक्षी देउवालाई सफल कार्यकालका लागि बधाई दिएका छन्। मोदीले भनेका छन्, ‘जनस्तरको गहिरो सम्बन्ध सुदृढ गर्न र सबै क्षेत्रको विशिष्ठ साझेदारी थप बृद्धि गर्न प्रधानमन्त्री देउवासँग काम गर्न प्रतिक्षारत छु।’