प्रधानमन्त्री रोजगार कार्यक्रमका लागि १२ अर्ब बजेट

काठमाडौं ।

प्रधानमन्त्री रोजगार कार्यक्रमका लागि सरकारले १२ अर्ब बजेट विनियोज गरेको छ । अर्थमन्त्री विष्णुप्रसाद पौडेलद्धारा शनिबार आगामी २०७८७९ को अध्यादेशमार्फत प्रस्तुत गरेको आर्थिक बजेटमा प्रधानमन्त्री रोजगार कार्यक्रमका लागि १२ अर्ब बजेट विनियोजन गरेको जनाएका छन् ।

यस कार्यक्रम अन्तर्गत नेपालमा रहेका बेरोजगार युवाहरुलाई कम्तिमा १०० दिन रोजगार दिने कार्यक्रम अन्तर्गत सरकारले बजेट बिनियोजन गरेको हो ।

अहिले स्थानीय तहहरूका रोजगार सूचना केन्द्रमा सूचीकृत भएका बेरोजगार युवाको संख्या ७ लाख ५३ हजार भन्दा बढी छन् । तर यो वर्ष छुट्याएको बजेटले युवामा निराशा छाएको थियो । यसको सही सदुपयोग गर्न सके मात्रै यसको सपना साकार हुने देखिन्छ ।